(ភ្នំពេញ)៖ ស្ត្រីម្នាក់បានទៅដាក់ពាក់បណ្តឹងឲ្យសមត្ថកិច្មខណ្ឌប្ញស្សីកែវជួយអន្តរគនម៍ស្វែងរកម៉ូតូខ្លួនមួយគ្រឿងដែលត្រូវបានចោរលួច ខណៈស្ត្រីរូបនេះបានឆតនៅមុខហាង។ បន្ទាប់ពីបើកប្រតិបត្តិការតាមស្វែងរក ជនសង្ស័យ២នាក់ និងម៉ូតូ២គ្រឿង ត្រូវបានកម្លាំងនគរបាលខណ្ឌប្ញស្សីកែវ ឃាត់ខ្លួន និងរឹបអូសបាននៅថ្ងៃទី ២៩ ខែឧសភា ឆ្នាំ ២០២២ វេលាម៉ោង៨៖៣០នាទីយប់ នៅចំណុចមុខហាងDara BBQ ផ្លូវ៩០៧ក្រុមទី៨ ភូមិទួលសង្កែ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។
បើតាមរបាយការណ៍សមត្ថកិច្ចបានបង្ហាញថា ជនរងគ្រោះឈ្មោះ យ៉ាន ធាវី ភេទស្រី អាយុ៣០ឆ្នាំ ជនជាតិខែ្មរ មានទីលំនៅផ្ទះលេខ៩៧ផ្លូវ៩៩ក្រុមទី៨ ភូមិទួលសង្កែ សងា្កត់ទួលសងែ្ក១ ខណ្ឌឫស្សីកែវ មុខរបរលក់ដូរ ។ ដោយឡែក ជនសង្ស័យ២នាក់មាន ៖ ១/ជនសង្ស័យឈ្មោះ ធីម តាំងលីម ភេទប្រុស អាយុ ៣៤ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅស្នាក់បន្ទប់ជួលនៅក្រុមទី៤ ផ្លូវលំ ភូមិទួលសងែ្ក សង្កាត់ទួលសង្កែទី១ ខណ្ឌឬស្សីកែវ (មានសារធាតុញៀន)។ ២/ជនសង្ស័យឈ្មោះ ណុប ដារ៉ា ភេទប្រុស អាយុ១៩ឆ្នាំមុខរបរមិនពិតប្រាកដ មានទីលំនៅស្នាក់បន្ទប់ជួល ផ្លូវលំ ភូមិទួលសងែ្ក សង្កាត់ទួលសង្កែទី១ ខណ្ឌឬស្សីកែវ (មានសារធាតុញៀន)។ ក្នុងនោះសម្ភារដកហូតមានរួមមាន៖ ម៉ូតូ០១គ្រឿងម៉ាកស្គូពីពណ៌ស សា្លកលេខភ្នំពេញ1 DE- 0472(របស់ជនរងគ្រោះបានប្រគល់ជូនមា្ចស់វិញ) ។ ក្រៅពីនេះ ម៉ូតូ១គ្រឿងទៀត ម៉ាកPCXពណ៌ខ្មៅស្លាកលេខភ្នំពេញ1CB-9249(ជារបស់ជនសង្ស័យ)។
មន្ត្រីនគរបាលខណ្ឌឫស្សីកែវបានឱ្យដឹងថា នៅពេលកើតហេតុខាងលើជនរងគ្រោះបានទុកម៉ូតូមុខហាង ដោយភ្លេចដកកូនសោម៉ូតូ និងបានដើរចូលហាងបាត់។ ខណៈមានជនសង្ស័យចំនួន០២នាក់បានធ្វើសកម្មភាពលួច និងបានជិះម៉ូតូមួយគ្រឿងម៉ាកpcx ដែលមកឈប់នៅមុខហាងមានទាំងសោរជាប់ម៉ូតូស្រាប់ ដែលជាឱកាសល្អសំរាប់ក្រុមចោរធ្វើសកម្មភាពលួចម៉ូតូជនរងគ្រោះបានសំរេចរួចគេចខ្លួនបាត់។ ក្រោយមកជនរងគ្រោះបានមកដាក់ពាក្យបណ្តឹងនៅប៉ុស្តិ៍។ បន្ទាប់ពីទទួលបានពាក្យបណ្តឹង សមត្ថកិច្ចបានធ្វើការស្រាវជ្រាវឈានដល់ធ្វើការឃាត់ខ្លួនបានជនសង្ស័យចំនួន០២នាក់ រួមទាំងវត្ថុតាងនៅចំណុចផ្លូវ៩៣ ភូមិចុងខ្សាច់ សង្កាត់ទួលសង្កែទី១ វេលាម៉ោងប្រមាណ១១និង០០នាទីយប់ នាំមកប៉ុស្តិ៍ធ្វើការសាកសួរបន្ត។
បច្ចុប្បន្នជនសង្ស័យទាំង២នាក់ រួមទាំងវត្ថុតាងដកហូតបានខាងលើ ជំនាញខណ្ឌ ប៉ុស្តិ៍ បានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនីតិវិធីច្បាប់ ៕
