ស្វាយរៀង៖ បុរសម្នាក់បានបាត់បង់ជីវិតភ្លាមៗ ក្រោយបុ ក គ្នា ជាមួយរថយន្ត របស់ក្រុមហ៊ុនដានដាន ដែលគេដឹងថា ជារថយន្តក្រុងដឹកអ្នកដំណើរពីភ្នំពេញទៅវៀតណាម ឬពីវៀតណាមមកភ្នំពេញ ។ បុរសម្នាក់នោះ ត្រូវបានសមត្ថកិច្ចអះអាងថា ជានាយកមីក្រូ ហិរញ្ញវត្ថុ អម្រឹត ។ ហេតុការណ៍នេះ បានកើតឡើងកាលពីវេលាម៉ោង៦:៣០នាទីល្ងាច ថ្ងៃទី២១ ខែមីនា ឆ្នាំ២០២៥ នៅលើផ្លូវជាតិលេខ១ ត្រង់ចន្លោះគីឡូម៉ែត្រលេខ១០៨-១០៩ ភូមិនារាទេន ឃុំឈើទាល ស្រុកស្វាយជ្រំ ខេត្តស្វាយរៀង។
បើតាមសមត្ថកិច្ចនគរបាល និយាយថា រថយន្តបង្កគ្រោះថ្នាក់ចរាចរណ៍ទាំងពីរគ្រឿងគឺបើកបរក្នុងទិសដៅបញ្ច្រាសទិសគ្នា ដោយរថយន្តកាំមេរីហាយប្រ៊ីត ពាក់ស្លាកលេខ ភ្នំពេញ 2BN- 8192 បុកគ្នាជាមួយរថយន្ត ក្រុងរបស់ក្រុមហ៊ុនដានដាន នៅត្រង់ចំណុចកើតហេតុខាងលើ ដែលបណ្តាលឱ្យជនរង គ្រោះឈ្មោះ ចិក វិមល អាយុ២៩ឆ្នាំ មុខរបរ នាយកមីក្រូហិរញ្ញវត្ថុអម្រឹត មានទីលំនៅភូមិប្រហូត ឃុំសំរោង ស្រុកស្វាយអន្ទរ ខេត្តព្រៃវែង បើករថយន្ត មួយគ្រឿងម៉ាកកាមរីហាយប្រ៊ីដ កៀបស្លា ប់ នៅក្នុងរថយន្ត ។ ចំណែកអ្នកបើកបររថយន្តក្រុងទេសចរណ៍ បានរត់គេចខ្លួនបាត់ស្រមោលពីកន្លែងកើតហេតុ។
បច្ចុប្បន្ន រថយន្តតាំងពីរគ្រឿង ត្រូវបាននាំយកទៅរក្សាទុកនៅស្នងការដ្ឋាននគរបាលខេត្តស្វាយរៀង រងចាំដោះស្រាយពេលក្រោយ ៕