ខេត្តបន្ទាយមានជ័យ ៖ កម្មករប្រុស-ស្រីជាច្រើននាក់ នាំគ្នាប្រមូលផ្តុំសុំឱ្យក្រុមហ៊ុនម៉ៅការសំណង់
(តាន់ គីមអេង) បើកប្រាក់ថ្លៃកម្លាំងពលកម្ម ដែលបានសាងសង់អគារស្នាក់ច្រកទ្វារស្ទឹងបត់ នៅថ្ងៃទី៣០ ខែតុលា ឆ្នាំ២០២៣ នៅក្រុងប៉ោយប៉ែត ។
តំណាងពលករបានប្រាប់ថា ពួកគាត់ដែលប្រមូលផ្តុំគ្នានៅមុខច្រកទ្វាអន្តរជាតិស្ទឹងបត់ ក្រុងប៉ោយប៉ែត គឺសុំឱ្យក្រុមហ៊ុនម៉ៅការសំណង់(តាន់ គីមអេង)បើកប្រាក់ថ្លៃកម្លាំងពលកម្មឱ្យពួកគាត់ ដែលជាថ្លៃកសាងសំណង់អគារស្នាក់ការច្រកទ្វារអន្តរជាតិស្ទឹងបត់ ក្រោយបានកសាងរួចរាល់ ហើយមិនព្រមបើកលុយអោយ ។
តំណាងបានបញ្ជាក់ថា មូលហេតុដែលប្រមូលផ្តុំសុំអោយថ្នាក់ក្រសួងជំនាញដែលទទួលបន្ទុកការសាងសង់អគារស្នាក់ការច្រកទ្វារអន្តរជាតិស្ទឹងបត់ដែលក្រុមហ៊ុនម៉ៅការសាងសង់អគារស្នាក់ការច្រកទ្វារចេញមកទទួលខុសត្រូវ និងដោះស្រាយជូនកម្មករដែលខិតខំធ្វើការងាររួចរាល់ ហើយមិនព្រមបើកលុយធ្វើឱ្យប៉ះពាល់ដល់សេដ្ឋកិច្ចគ្រួសារ ។
តំណាងកម្មករបានគំរាមថា បើសិនជាក្រុមហ៊ុនម៉ៅការសំណង់ (តាន់ គីមអេង.TKE) មិនព្រមចេញមុខដោះស្រាយឱ្យពួកគាត់ទេ គាត់បន្តតវ៉ា ព្រោះលុយកម្លាំងញើសឈាមពួកគាត់ ដែលមិនព្រមបើកអោយមាន១ទៅ២លានរៀលក្នុងម្នាក់ ។ ចំណែកអ្នកម៉ៅការបន្តពីក្រុមហ៊ុនតាន់គីមអេង បានបើកលុយអោយមាន១ម៉ឺនheapដុល្លារទៅ១០ម៉ឺនដុល្លារដោយក្រុមហ៊ុនសន្យារយៈពេល១ទៅ២ខែទៀត បើកលុយឱ្យតែការសន្យាសាបដូចទឹកទន្លេ គ្មានប្រសិទ្ធិភាព បើសិនជាមិនបើកលុយឱ្យ ពួកធ្វើការតវ៉ាជារៀងរហូត ។
ទោះបីជាយ៉ាងណា នៅមិនទាន់មានការឆ្លើយតប និងដោះស្រាយពីក្រុមហ៊ុនម៉ៅការសំណង់ខាងលើនេះនេះទេ ។ ព័ត៌មានបន្ថែម កោះសន្តិភាពមានផ្សាយជូនបន្ត ។
ដកស្រង់ពីkohsantepheapdaily
