Month: July 2022

ស្ទឹងត្រែង៖ ក្រសួងព្រះបរមរាជវាំងនៅរសៀល ថ្ងៃទី២៧ ខែកក្កដា ឆ្នាំ២០២២ បានអញ្ជើញចុះពិនិត្យមើលស្តូបអនុស្សាវរីយ៍ អតីតស្នាព្រះហស្ថព្រះមហាក្សត្រដើម្បីកែលំអរឱ្យមានសោ ភ័ណភាព និងរៀបចំឱ្យមានភាពទាក់ទាញដល់ភ្ញៀវទេសចរទៅទស្សនានៅស្រុកបុរីអូរស្វាយសែនជ័យខេត្តស្ទឹងត្រែង។ ក្រុមការងារចុះទៅនោះរួមមានឯកឧត្តម គុយ សុផល ឧត្តមប្រឹក្សាព្រះមហាក្សត្រនិងជាទេសរដ្ឋមន្ត្រីទទួលបន្ទុកកិច្ចការទូទៅអមក្រសួងព្រះបរមរាជវាំង, ឯកឧត្តម ឈា ហ៊ន រដ្ឋមន្ត្រីអមក្រសួងព្រះបរមរាជវាំង និងឯកឧត្តម ស្វាយ សំអ៊ាង អភិបាលខេត្តស្ទឹងត្រែង។ ក្នុងឱកាសនោះ ក្រុមការងារក៏បានអញ្ជើញពិនិត្យមើលទីតាំងសាលារៀន មណ្ឌលសុខភាព និងស្តូបស្នាព្រះហស្ថ ព្រះករុណា ព្រះបាទ សម្ដេច ព្រះនរោត្តម សីហនុ…

ក្រចេះ៖ កងកម្លាំងរាជអាវុធហត្ថចុះបង្ក្រាបទីតាំងធ្វើសិប្បកម្មកែឆ្នៃឈើទ្រង់ទ្រាយធំមួយកន្លែងគ្មានច្បាប់អនុញ្ញាតស្ថិតនៅភូមិរលួសឃុំរលួសសែនជ័យស្រុកសំបូរខេត្តក្រចេះកាលថ្ងៃទី ២៦ខែកក្កដា២០២២ ដោយរឹបអូសបានឈើ និងឧបករណ៍កែឆ្នៃឈើមួយចំនួនធំ។ សមត្ថកិច្ចបានឲ្យដឹងនៅថ្ងៃទី២៨កក្កដាថា ប្រតិបត្តិការខាងលើនេះធ្វើឡើងដោយសហការគ្នារវាងកម្លាំងកងរាជអាវុធហត្ថ ខេត្តក្រចេះ និងកម្លាំងមូលដ្ឋាន កងរាជអាវុហត្ថស្រុកសំបូរ-ស្រុកចិត្របូរី និងកម្លាំងអាវុធហត្ថលើផ្ទៃប្រទេស ក្រោមការដឹកនាំដោយលោក វរសេនីយ៍ឯក ម៉ៅ រ៉ាន្នី មេបញ្ជាការរង និងជានាយសេនាធិការ។ សមត្ថកិច្ចបានឲ្យដឹងទៀតថាម្ចាស់ទីតាំងបើកសិប្បកម្មឈ្មោះ ឆេង តាំងហេង ភេទប្រុស អាយុ ២៦ឆ្នាំ មានទីលំនៅរស់នៅ ភូមិឃុំខាងលើ។ នៅពេលចុះបង្ក្រាបនោះសមត្ថកិច្ចដកហូតវត្ថុតាងដូចជាតាបឈូសចំនួន ១គ្រឿង, ម៉ាស៊ីនម៉ាសូត ២៥សេសចំនួន ១គ្រឿង,…

ខេត្តក្រចេះ៖ អភិបាលរងស្រុកស្នួលម្នាក់ បានជួបគ្រោះថ្នាក់ចរាចរណ៍បង្កឡើងដោយខ្លួនឯង ដោយរថយន្តធ្លាក់ពីលើផ្លូវក្រឡាប់ចូលទៅក្នុងប្រឡាយទឹក បណ្ដាលឲ្យស្លាប់បាត់បង់ជីវិត នៅកន្លែងកើតហេតុ។ ហេតុការណ៍នេះបានកើតឡើង នៅវេលាម៉ោង២ និង៣០នាទី ទាបភ្លឺឈានចូលថ្ងៃទី២៥ ខែកក្កដា ឆ្នាំ២០២២ នៅចំណុចផ្លូវជាតិលេខ៧ (ស្នួល-ក្រចេះ) ចន្លោះបង្គោលគីឡូម៉ែត្រលេខ២៦៨ ស្ថិតនៅក្នុងភូមិឃ្សឹមក្រៅ ឃុំឃ្សឹម ស្រុកស្នួល ខេត្តក្រចេះ។ សមត្ថកិច្ចនគរបាលបានឲ្យដឹងថា ជនរងគ្រោះដែលបានស្លាប់បាត់បង់ជីវិតក្នុងករណីគ្រោះថ្នាក់ចរាចរណ៍បង្កឡើងដោយខ្លួនឯងខាងលើនោះ មានឈ្មោះ នូ សុផល អាយុ ៤៥ឆ្នាំ ជនជាតិខ្មែរ តួនាទីជាអភិបាលរងស្រុកស្នួល មានទីលំនៅភូមិវត្ត សង្កាត់ក្រចេះ…

មណ្ឌលគិរី៖ ក្រោយមានភ្លៀងធ្លាក់ជាប់ៗគ្នាប្រមាណ៣ថ្ងៃនៅខេត្តមណ្ឌលគិរី បានធ្វើឲ្យតំបន់មួយចំនួនក្នុងស្រុកកែវសីមា ខេត្តមណ្ឌលគិរី ត្រូវរងផលប៉ះពាល់ដោយជំនន់ទឹកភ្លៀង ប៉ុន្តែមិនទាន់បង្កឲ្យមានផលលំបាក់ធ្ងន់ធ្ងរសម្រាប់ប្រជាពលរដ្ឋដែលរស់នៅក្នុងតំបន់ទាំងនោះឡើយ ។ សេចក្ដីរាយការណ៍ពីប្រជាពលរដ្ឋនៅស្រុកកែវសីមាបានឲ្យដឹងថា នៅព្រឹកថ្ងៃទី១២ កក្កដា ២០២២ ជំនន់ទឹកភ្លៀងបានជន់ឡើងពីដងអូរ លិចចូលក្រោមផ្ទះសម្បែងរបស់ប្រជាពលរដ្ឋមួយចំនួនក្នុងភូមិស្រែខ្ទុម ឃុំស្រែខ្ទុម ស្រុកកែវសីមា ប៉ុន្តែមិនបង្កផលប៉ះពាល់ធ្ងន់ធ្ងរនោះទេ ហើយគិតរហូតដល់ម៉ោង១១ព្រឹកថ្ងៃដដែលនេះ ជំនន់ទឹកភ្លៀងមិនទាន់មានសភាពជន់ឡើងបន្តទៀតទេ ។ លោក ចាន់ រតនា មន្ត្រីលេខាធិការដ្ឋាននៃគណកម្មាធិការគ្រប់គ្រងគ្រោះមហន្តរាយខេត្តមណ្ឌលគិរី បានឲ្យដឹងថា ជំនន់ទឹកភ្លៀងនៅភូមិស្រែខ្ទុម ឃុំស្រែខ្ទុម ស្រុកកែវសីមា បានកើនឡើងនៅអំឡុងម៉ោង៧ព្រឹក ថ្ងៃទី១២ កក្កដានេះ…

មណ្ឌលគិរី៖ ផ្ទៃដីតំបន់វប្បធម៌ភ្នំដោះក្រមុំ ជាតំបន់អភិរក្សមួយមានសក្តានុពលយ៉ាងខ្លាំងលើវិស័យទេសចរណ៍ លាតសន្ធឹងលើផ្ទៃដីជិត១០០ហិកតា នៅចំកណ្ដាលក្រុងសែនមនោរម្យ ខេត្តមណ្ឌលគិរី ដែលកន្លងមកត្រូវបានក្រុមឆ្លៀតឱកាសរំលោភយកផ្នែកខ្លះនៃតំបន់នេះ ពេលនេះកំពុងត្រូវបានដោះស្រាយផលប៉ះពាល់ស្ទើរទាំងស្រុងហើយ នៅសល់ផ្ទៃដីប្រមាណ២ហិកតាប៉ុណ្ណោះ ដោះស្រាយមិនទាន់ចប់ ។ នេះបើតាមប្រសាសន៍ លោក សី ទូច ប្រធានមន្ទីរវប្បធម៌និងវិចិត្រសិល្បៈខេត្តមណ្ឌលគិរី បានប្រាប់អ្នកសារព័ត៌មានយើងនៅថ្ងៃទី១២ ខែកក្កដា ឆ្នាំ២០២២នេះ។ លោក សី ទូច បានឲ្យដឹងថា បច្ចុប្បន្ននេះផលប៉ះពាល់នៅតំបន់ភ្នំដោះក្រមុំបាននិងកំពុងដោះស្រាយចប់រួចរាល់ជាមួយភាគីពាក់ព័ន្ធប្រមាណ៩០%រួចហើយ ដោយនៅរងចាំតែការផ្ទេរផ្ទៃដីប្រមាណ២ហិកតា ពីសំណាក់ក្រុមហ៊ុនគីមិច មកឲ្យគណកម្មការគ្រប់គ្រងដីរដ្ឋថ្នាក់ខេត្តវិញ ដើម្បីឲ្យរដ្ឋបាលថ្នាក់ខេត្តអាចធ្វើសំណើរទៅប្រមុខរាជរដ្ឋាភិបាលកំណត់យកបរិវេណផ្ទៃដីតំបន់ភ្នំដោះក្រមុំទាំងមូល ដែលនៅសល់រង្វង់៩០ហិកតា ។…

ខេត្តមណ្ឌលគិរី ៖ បង្គោលព្រំដែនមួយដើមកំពុងប្រឈមធ្លាក់ចូលទឹកអូរ ក្រោយមានភ្លៀងធ្លាក់ជោគជាំអស់ជាច្រើនថ្ងៃនៅ ស្រុកកែវសីមា ខេត្តមណ្ឌលគិរី ។ ភ្លាមៗក្រោយទទួលព័ត៌មានបែបនេះ នៅថ្ងៃទី១១ ខែកក្កដា ឆ្នាំ២០២២នេះ អភិបាលស្រុកកែវសីមា បានដឹកនាំមន្ត្រីក្រោមបង្គាប់ចុះត្រួតពិនិត្យដើម្បីរកវិធីទប់ស្កាត់។ លោក នួន សារ៉ន អភិបាលស្រុកកែវសីមា បានប្រាប់អ្នកយកព័ត៌មានថា ក្រោយទទួលព័ត៌មាននេះ លោកបានដឹកនាំក្រុមការងារស្រុកចុះពិនិត្យ ឃើញថា ទឹកអូរបានជន់ឡើងខ្លាំងបណ្តាលឲ្យបាក់ដីមាត់ច្រាំងខាងកម្ពុជាយើង ដែលនឹងជិតដល់បង្គោលព្រំដែនដែលបានបោះរួច។លោកថា បច្ចុប្បន្នលោកបានរាយការណ៏ជូនដល់អាជ្ញាធរខេត្តក្នុងករណីនេះរួចរាល់។ ហើយជាប៉ុណ្ណោះអាសន្ន លោកបានចាត់ក្រុមការងារដើម្បីយកខ្សែទាក់ចងបង្គោលកុំឲ្យធ្លាក់ចូលទឹកអូរ។ ប៉ុន្តែរហូតដល់ពេលនេះ ក្រុមការងារមិនទាន់អាចចូលទៅតំបន់នោះបានទេ ព្រោះមេឃនៅធ្លាក់ភ្លៀងខ្លាំង ម៉្យាងទីតាំងនោះស្ថិតនៅចំណោតភ្នំខ្ពស់ៗ…

ខេត្តក្រចេះ៖ ជនសង្ស័យម្នាក់ត្រូវបានកម្លាំងនគរបាលរួមនិងប្រជាការពារ ចាប់ខ្លួនខណៈកំពុងព្យាយាមហែលទឹកទន្លេដើម្បីរំដោះខ្លួនពីការចាប់របស់សមត្ថកិច្ច ក្រោយប្រព្រឹត្តសកម្មភាពកាប់ទៅលើ ប្អូនថ្លៃស្រី បណ្តាលអោយរងរបួសធ្ងន់ ហើយបានស្លាប់ពេលបញ្ជូនដល់មន្ទីរពេទ្យ។ ហេតុការណ៍នេះបានកើតឡើង នៅវេលាម៉ោង៨ និង២០នាទីព្រឹក ថ្ងៃទី១១ កក្កដា ២០២២ នៅចំណុចភូមិកោះដំបង ឃុំបឹងចារ ស្រុកសំបូរ ខេត្តក្រចេះ។ តាមប្រភពព័ត៌មានពីមន្ត្រីនគរបាលស្រុកសំបូរ បញ្ជាក់ឲ្យដឹងថា ជនរងគ្រោះឈ្មោះទីង ស្រីម៉ៅ ភេទស្រី អាយុ២៧ ត្រូវបានបុរសជាជនដៃដល់កាប់មួយពូថៅពីក្រោយបណ្តាលអោយរងរបួសធ្ងន់ នៅចំណុចខាងក្រោយផ្ទះរបស់ពួកគេ ស្ថិតនៅចំណុចកើតហេតុខាងលើ។ ជនសង្ស័យឈ្មោះ ថា លីនណាន ភេទប្រុស…

រតនគិរី៖ សមត្ថកិច្ចកងរាជអាវុធហត្ថខេត្តរតនគិរីនៅរសៀលថ្ងៃទី៨ ខែកក្កដា ឆ្នាំ២០២២ បានកសាងសំណុំរឿងបញ្ជូនអ្នកកាសែតម្នាក់និងមន្ត្រីសាធារណៈការនិងដឹកជញ្ជូនម្នាក់ទៅតុលាការ ពាក់ព័ន្ធការប្រើប្រាស់ឯកសារសាធារណៈក្លែងក្លាយ។ សូមរំឮកថា កាលពីយប់ថ្ងៃទី៦ ខែកក្កដា ឆ្នាំ២០២២ សាខាគយនិងរដ្ឋាករសហការជាមួយកងរាជអាវុធហត្ថទទួលបញ្ជាពីលោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីពី លោក កែវ ភក្តី ព្រះរាជអាជ្ញារងអមសាលាដំបូងខេត្តរតនគិរី បានធ្វើការឃាត់រថយន្តមួយគ្រឿងម៉ាក NISSAN NAVARA ពាក់ស្លាកលេខ ភ្នំពេញ ២AA.៧៣៨៧ ពេលឈប់នៅផ្សារទំនើបស៊ីត្រា បើកបរដោយអ្នកកាសែតម្នាក់។ បន្ទាប់ពីឃាត់ខ្លួនអ្នកសារព័ត៌មានបញ្ជូនទៅសាកសួរនៅទីបញ្ជាការកងរាជអាវុធហត្ថខេត្ត ក៏ឈានដល់ឃាត់ខ្លួនមន្ត្រីសាធារណការនិងដឹកជញ្ជូនខេត្តម្នាក់ទៀត ពាក់ព័ន្ធប្រើប្រាស់ឯកសារសាធារណៈក្លែង។…

មណ្ឌលគិរី៖ សមត្ថកិច្ចកងរាជអាវុធហត្ថ ស្នាក់ការសន្តិសុខ៧៦១ ស្រុកកែវសីមា ខេត្តមណ្ឌលគិរី បង្ក្រាបបានរថយន្តដឹកឈើខុសច្បាប់មួយគ្រឿង កាលពីរំលងអាធ្រាត្រឈានចូលថ្ងៃទី ៧ ខែកក្កដា ឆ្នាំ២០២២។ សមត្ថកិច្ចបានឲ្យដឹងថា ប្រតិបត្តិការបង្រ្កាបនោះដឹកនាំដោយ លោក វីរៈសេនីយ៍ត្រី សាក់ សុគុណ ប្រធានស្នាក់ការសន្តិសុខ៧៦១ បានចុះបង្ក្រាបរថយន្តសាំយ៉ុងដឹកឈើមួយគ្រឿង ពណ៍ស ពាក់ស្លាកលេខ កោះកុង 2A0903។ នៅក្នុងរថយន្តនោះមានដឹកឈើទ្វា៣០សន្លឹកនិងគ្រោងទ្វារ៥០ដើម(ប្រភេទឈើ សុក្រំ) បង្ក្រាបបាននៅ ភូមិ ត្រពាំងផ្អេរ ឃុំ ស្រែខ្ទុម ស្រុក…

តូក្យូ៖ អតីតនាយករដ្ឋមន្ត្រី Shinzo Abe ដែលជាមេដឹកនាំកាន់អំណាចយូរបំផុតរបស់ប្រទេសជប៉ុនបានទទួលមរណភាពកាលពីថ្ងៃសុក្រប៉ុន្មានម៉ោង បន្ទាប់ពីគាត់ត្រូវបានគេបាញ់នៅពេលកំពុងធ្វើយុទ្ធនាការបោះឆ្នោតសភា ដែលធ្វើឱ្យមានការភ្ញាក់ផ្អើលដល់ពិភពលោក ដែលអំពើហិង្សានយោបាយកម្រមានណាស់ ហើយការប្រើប្រាស់កាំភ្លើងត្រូវបានរឹតបន្តឹង។ ប្រព័ន្ធផ្សព្វផ្សាយជប៉ុនបានរាយការណ៍ថា បុរសម្នាក់បានបើកការបាញ់ប្រហារទៅលើលោក Abe អាយុ 67 ឆ្នាំពីខាងក្រោយដោយកាំភ្លើងកែឆ្នៃ ដែលទំនងជាផលិតនៅផ្ទះ ខណៈដែលគាត់កំពុងធ្វើអត្ថាធិប្បាយនៅក្នុងទីក្រុង Nara ភាគខាងលិច។ (មានវីដេអូនៅខាងក្រោម) ប្រភពពីមន្ទីរពេទ្យដែលព្យាយាមជួយសង្គ្រោះបានរាយការណ៍ថា គាត់បានស្លាប់នៅម៉ោង៥ និង០៣នាទីល្ងាច ប្រហែលប្រាំម៉ោងកន្លះបន្ទាប់ពីគាត់ត្រូវបានគេបាញ់។ វេជ្ជបណ្ឌិតម្នាក់បាននិយាយថា លោក Abe បានហូរឈាមរហូតដល់ស្លាប់ ដោយសាររបួសជ្រៅចំនួនពីរកន្លែង ដែលមួយនៅផ្នែកខាងស្តាំនៃករបស់គាត់។…