ប្រើពេល២ថ្ងៃដើម្បីរុករកតៃកុងរថយន្តដឹកហ្គាសដែលក្រឡាប់សង្កត់ផ្ទះនៅមណ្ឌលគិរី(វីដេអូខាងក្នុង)
មណ្ឌលគិរី៖ រយៈពេល២ថ្ងៃទៅហើយ ដែលសមត្ថកិច្ចនៃខេត្តមណ្ឌលគិរីស្វះស្វែងជួយរុះរើគំនរបាក់បែក និងប្រើប្រាស់រថយន្តស្ទួចចំនួន២គ្រឿងដើម្បីស្ទួចរថយន្តដឹកសុីទែនហ្គាសដែលផ្ទុកហ្គាសពេញណែន រហូតអាចស្វែករកតៃកុងឃើញ តែអកុសល្យ រូបគេបានស្លាប់ក្នុងកាប៊ីនរថយន្តទៅហើយ។ សមត្ថកិច្ចបានកំណត់អត្តសញ្ញាណតៃកុងនោះថា មានឈ្មោះសឿង សាវឿន ភេទប្រុសអាយុ៣៥ឆ្នាំទីលំនៅភូមិព្រៃឈរ ឃុំព្រៃឈរ ស្រុកព្រៃឈរ ខេត្តកំពង់ចាម។សមត្ថកិច្ចក៏កំពុងទាក់ទងក្រុមគ្រួសារនៃសពអោយមកទទួលទៅធ្វើបុណ្យហើយដែរ។ គួររំលឹកថាមនុស្សប្រុសស្រីចំនួន ០៦នាក់ បានរងរបួសធ្ងន់ស្រាល ក្នុងគ្រោះថ្នាក់ចរាចរណ៍មួយដែលកើតឡើងដោយរថយន្តដឹកស៊ីទែនហ្គាសខ្នាតធំមួយគ្រឿងរបស់ក្រុមហ៊ុនតារាសុីធី បើកលឿនចុះចំណោតផ្លូវកែងជ្រុលចង្កូត បុករះតូបអ្នកលក់ដូរតាមដងផ្លូវជាតិលេខ៧៦ នៅក្រុងសែនមនោរម្យ កាលពីវេលាម៉ោង ២២និង១៥នាទីយប់ ថ្ងៃទី០៧ខែសីហា ឆ្នាំ២០២២ នៅចំណុចផ្ទះតាលី ស្ថិតភូមិចំបក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី…