ចោរលួចរថយន្តហាយឡិនឌ័រដឹកឈើពីក្នុងសង្កាត់រដ្ឋបាលព្រៃឈើរវៀង
ព្រះវិហារ ៖កាលពីថ្ងៃទី១២ ខែសីហាឆ្នាំ២០២២មានករណីបាត់ រថយន្ត highlanderមួយគ្រឿងដឹកឈើក្រោយពីបង្ក្រាបកាលពីមួយថ្ងៃមុន។ សូមរំលឹកថាកាលពីល្ងាចថ្ងៃទី ១១ ខែសីហា ឆ្នាំ ២០២២ នៅចំនុច ភូមិពោធិ ឃុំរុៈរាន់ ស្រុករវៀង ខេត្តព្រះវិហារសមត្ថកិច្ចកងរាជអាវុធហត្ថ និងនគរបាលរួមជំនាញរដ្ឋបាលព្រៃឈើស្រុករវៀងបង្រ្កាបបានរថយន្ត ម៉ាកហាយលែនឌ័រពណ៍សរ១គ្រឿង។ក្រោយពីបង្ក្រាបរថយន្តដឹកឈើនោះក៏ត្រូវបានធ្វើកំណត់ហេតុបញ្ជូនយកទៅរក្សាទុកទាំងរថយន្តនិងឈើនៅសង្កាត់រដ្ឋបាលព្រៃឈើរវៀង ប៉ុន្តែទុកបានតែមួយថ្ងៃរថយន្តនោះបាត់ដោយពុំដឹងមូលហេតុ។អ្នកដែលទទួលខុសត្រូវរឿងរថយន្តដឹកឈើខាងលើនេះឈ្មោះ យឹម វាសនាជានាយរងសង្កាត់រដ្ឋបាលព្រៃឈើ។ លោក ជ័យ ចេត្ថា នាយសង្កាត់រដ្ឋបាលព្រៃឈើរវៀង បានឱ្យអ្នកកាសែតដឹងថា លោកមិនបាននៅកន្លែងទេដោយជាប់រវល់នៅឯស្រុកទុកឱ្យលោក យឹម វាសនា នាយរងសង្កាត់នៅចាំកន្លែង ។…