Day: May 20, 2025

សមត្ថកិច្ចខេត្តពោធិ៍សាត់បានបង្រ្កាបករណីឃាតកម្មគិតទុកជាមុន ១ករណី និងឃាត់ខ្លួនជនសង្ស័យចំនួន ១នាក់ ដែលបានធ្វើសកម្មភាពសម្លាប់ប្រពន្ធរបស់ខ្លួន កាលពីថ្ងៃទី១៦ ខែឧសភា ឆ្នាំ២០២៥ នៅចំណុចស្រះទឹកទួលប្រណាំងសេះ ស្ថិតនៅភូមិកំពង់ក្ដី ឃុំរំលេច ស្រុកបាកាន ខេត្តពោធិ៍សាត់។ បើតាមរបាយករណ៍សមត្ថកិច្ច បានបញ្ចាក់ថា ជនសង្ស័យមានឈ្មោះ ស សន ភេទ ប្រុស អាយុ ៦៧ឆ្នាំ រស់នៅ ភូមិប្រាសាទ ឃុំរំលេច ស្រុកបាកាន ខេត្តពោធិ៍សាត់។ ដកហូតវត្ថុតាងរួមមាន ខ្សែកលោហៈធាតុពណ៌លឿងចំនួន៦ខ្សែ ខ្សែដៃលោហៈធាតុពណ៌លឿងចំនួន៤ខ្សែ…

នេះជាកិត្តិយសមួយសម្រាប់ប្រជាជាតិយើង។ មេដឹកនាំរបស់យើង ត្រូវបានអញ្ជើញបង្ហាញទស្សនៈ និងចក្ខុវិស័យ សម្រាប់កិច្ចកសាងតំបន់អាស៊ីរបស់យើង គ្រាពិភពលោកប្រឈមភាពស្មុគស្មាញជាច្រើន។ វេទិកានេះរៀបចំឡើងរៀងរាល់ឆ្នាំដោយក្រុមហ៊ុន NIKKEI របស់ជប៉ុន។ មេដឹកនាំប្រទេស មេដឹកនាំស្ថាប័នពិភពលោក អ្នកសិក្សាស្រាវជ្រាវ និងអ្នកជំនាញផ្នែកសេដ្ឋកិច្ចជាដើម តែងបានអញ្ជើញជាវាគ្មិនក្នុងវេទិកាដ៏មានសារៈសំខាន់។ សម្រាប់វេទិកាអ្វីក៏ដោយ វាគ្មិន ត្រូវបានគេវាយតម្លៃល្អិតល្អន់ណាស់ ទើបគេអញ្ជើញ។ កម្ពុជា ជាប្រទេសកំពុងមានសន្ទុះផ្នែកសេដ្ឋកិច្ចល្អមួយក្នុងបណ្តាប្រទេសកំពុងអភិវឌ្ឍន៍នៅអាស៊ី។ សម្តេចមហាបវរធិបតី ជាមេដឹកនាំថ្មីថ្មោងនៅអាស៊ី ដូច្នេះគេចង់ដឹងពីទស្សនៈ និងចក្ខុវិស័យរបស់សម្តេចលើកិច្ចការដឹកនាំកម្ពុជា ក៏ដូចជាទស្សនៈ និងចក្ខុវិស័យ ជាវិភាគទានសម្រាប់អាស៊ីផងដែរ។សម្តេចតេជោ ហ៊ុន សែន ពេលនៅជានាយករដ្ឋមន្ត្រី…

លោក ផាត់ ហ៊ន រងនូវពាក្យបណ្តឹងជាថ្មី ពីបទ បរិហាកេរ្តិ៍ជាសាធារណៈនិងបីបទចោទផ្សេងទៀត ដែលនឹងត្រូវចូលខ្លួនទៅបំភ្លឺនៅអយ្យការអមសាលាដំបូងខេត្តស្វាយរៀង នៅថ្ងៃទី២៨ ឧសភា ឆ្នាំ២០២៥។ ជុំវិញករណីនេះ នៅថ្ងៃទី២០ ឧសភា ២០២៥ លោក ផាត់ ហ៊ន តាមរយៈទំព័រហ្វេសប៊ុកKH PLUS NEWS បាននិយាយថា បណ្តឹងនេះ ហាក់ដូចជាអាថ៌កំបាំង ព្រោះអ្នកប្តឹងលាក់មុខ និងឲ្យមេធាវីចេញមុខប្តឹង។ បើតាមលោក ផាត់ ហ៊ាន ការដែលពុំស្គាល់មុខអ្នកប្តឹងបែបនេះ វាពិបាកសម្រាប់លោករៀបចំឯកសារដើម្បីឆ្លើយបំភ្លឺនៅតុលាការ៕