នៅរសៀល ថ្ងៃទី២០ ខែមករា ឆ្នាំ២០២៥ នេះដែរលោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី ប្រធានគណៈប្រតិភូដឹកនាំប្រតិភូអមដំណើរ ព្រមទាំងលោក វរសេនីយ៍ឯក ឈាង សុវណ្ណ មេបញ្ជាការរងតំណាងខ្ពង់ខ្ពស់លោក ហែម ប៊ុណ្ណារែល មេបញ្ជាការកងរាជអាវុធហត្ថខេត្តមណ្ឌលគិរី អញ្ជើញចូលរួមអបអរសាទរនិងជូនពរបុណ្យចូលឆ្នាំថ្មីប្រពៃណីជាតិវៀតណាមឆ្នាំ២០២៥ នៅទីបញ្ជាការយោធាកងទ័ពការពារព្រំដែនខេត្តដាក់ណុង ។
បន្ទាប់មកទៀតក្នុងថ្ងៃដដែលនោះដែរលោក ឧត្តមសេនីយ៍ទោ ស្នងការនគរបាលខេត្តលោកក៏បានដឹកនាំប្រតិភូអមដំណើរបន្តទៅសួសុខទុក្ខជួបសំណេះសំណាលជាមួយលោក វរសេនីយ៍ឯក ហូ ស៊ុងអឹង ស្នងការនគរបាលខេត្តដាក់ណុងតែលទើបតែឡើងកាន់ដំណែងស្នងការនគរបាលខេត្តដាក់ណុងថ្មីៗនេះ។ លោក បានសម្តែងនូវការស្វាគមន៍យ៉ាងរាក់ទាក់ចំពោះថ្នាក់ដឹកនាំនៃភាគីកម្ពុជាក្នុងឱកាសនៃថ្ងៃបុណ្យចូលនាំប្រពៃណីជាតិនៃប្រជាជនវៀតណាមដែលនិងខិតចូលនៅប៉ុន្មានថ្ងៃខាងមុខនេះ។
មុននឹងបញ្ចប់ ភាគីទាំងពីរ (កម្ពុជា-វៀតណាម) បានជូនជាកាដូរវត្ថុអនុស្សាវរីយ៍រវាងភាគីទាំងពីរទៅវិញទៅមកស្ថិតក្នុងបរិយាកាសរីករាយ ស្និទ្ធស្នាលជាទីបំផុតដើម្បីរិតចំណងសាមគ្គីភាព មិត្តភាព និងកិច្ចសហប្រតិបត្តិការល្អ រវាងកងកម្លាំងនគរបាលខេត្តនិងកងកម្លាំងយោធានៃខេត្តទាំងពីរដែលជាអ្នកភូមិផងរបងតែមួយ៕
