Category: ព័ត៌មានសំខាន់ៗ

តំបន់ភ្នំកំពង់ត្រាចដែលជាភ្នំថ្មកំបោរ ដែលធ្លាប់បានផ្តល់អាជ្ញាបណ្ណអាជីវកម្មធនធានរ៉ែដើម្បីធ្វើរោងចក្រស៊ីម៉ងត៍កាលពេលឆ្នាំ២០២០កន្លងទៅ នៅថ្ងៃនេះត្រូវបានរាជរដ្ឋាភិបាលសម្រេចប្រកាសរក្សាទុកជាកន្លែងគោរពបូជាសាសនា ជាតំបន់អេកូទេសចរណ៍ធម្មជាតិ និងវប្បធម៌សម្រាប់ខេត្តកំពត។ ប្រជាពលរដ្ឋសាទរយ៉ាងខ្លាំងចំពោះរឿងការរក្សាទុកនេះ ខណៈអាជ្ញាធរខេត្តថានឹងសហការគ្នាធ្វើយ៉ាងណាឱ្យតំបន់ភ្នំកំពង់ត្រាចកាន់តែមានភាពទាក់ទាញភ្ញៀវច្រើនជាងមុន។ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល កាលពីរសៀលថ្ងៃទី៩ ខែមករា ឆ្នាំ២០២៥ បានអញ្ជើញចូលរួមក្នុងពិធីប្រកាសដាក់អតីតតំបន់អាជ្ញាបណ្ណឧស្សាហកម្មអាជីវកម្មធនធានរ៉ែ ស្ថិតនៅឃុំដំណាក់កន្ទួតខាងត្បូង និងដំណាក់កន្ទួតខាងជើង ស្រុកកំពង់ត្រាច ខេត្តកំពត រក្សាទុកជាកន្លែងគោរពបូជាសាសនា ជាតំបន់អេកូទេសចរណ៍ធម្មជាតិ និងវប្បធម៌។ ឯកឧត្តមរដ្ឋមន្ត្រីបានបន្តថា ការប្រកាសនាថ្ងៃនេះ គឺយោងទៅតាមការសម្រេចរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា…

សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភាកម្ពុជា បានប្រកាសថា គណបក្សប្រជាជនកម្ពុជាគឺជានិមិត្តរូបនៃការផ្លាស់ប្តូររបស់កម្ពុជា ហើយសម្តេច បានបន្តអំពាវនាវឲ្យបងប្អូនប្រជាពលខ្មែរទាំងអស់ត្រូវជឿទុកចិត្តចំពោះការដឹកនាំរបស់គណបក្សប្រជាជនកម្ពុជាផងដែរ។ ក្នុងឱកាសអញ្ជើញដឹកនាំប្រារព្ធពិធីមីទ្ទីងខួបលើកទី៤៦ឆ្នាំ នៃទិវាជ័យជម្នះ ៧មករា (៧-១-១៩៧០ ៧-១-២០២៥) នៅមហាសន្និបាតកោះពេជ្រ សម្តេចតេជោ ហ៊ុន សែន រំលឹកថា កម្ពុជាដែលបាន ចេញដំណើរពីលេខសូន្យ បានសម្រេចសមិទ្ធផលដ៏ត្រចះត្រចងក្នុងការស្តា កសាង និងអភិវឌ្ឍន៍សេដ្ឋកិច្ច សង្គម ធ្វើឲ្យភាពក្រីក្ររបស់ប្រជាជនត្រូវបានកាត់បន្ថយជាបន្តបន្ទាប់មកក្រោម ១០ភាគរយ មុនពេលមាន វិបត្តិកូវីដ-១៩។ សម្តេចតេជោ…

ស្ទឹងត្រែង៖ កាលពីពេលថ្មីៗនេះ នៅចំនុចអូរចំបក់ ស្រុកសេសាន បានលឺស្នូរទះដៃបន្លឺឡើង ខណៈពេល ឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមការងារអន្តរាគមន៍ពិសេសរបស់សម្តេចធិបតីនាយករដ្ឋមន្ត្រី និងឯកឧត្តម សរ សុពុត្រា អភិបាល នៃគណៈអភិបាលខេត្ត អញ្ជើញចុះសួរសុខទុក្ខ និងសំណេះសំណាលជាមួយប្រជាពលរដ្ឋជាច្រើនគ្រួសារដែលរស់នៅក្នុងតំបន់ដីមិនស្របច្បាប់នោះ ហើយបានយល់ព្រមតាមការជួយដោះស្រាយសម្របសម្រួល ទៅរស់នៅលើដីស្របច្បាប់វិញ ។ តាមPage ផ្លូវការរបស់ឯកឧត្តម អភិបាលខេត្ត បានបង្ហោះកាលពីកន្លងទៅនេះថា៖( ដោយសំដៅលើការរស់នៅលើដីមិនស្របច្បាប់របស់ប្រជាពលរដ្ឋ ចំនុចអូរចំបក់ ស្រុកសេសាន ខេត្តស្ទឹងត្រែង ដោយបានសរសេរថា)៖ មានតែគោលការណ៍ឈ្នះ…

(ប្រទេសចិន)៖ ក្រុមហ៊ុន Lester Xiamen ផលិតថាមពលអគ្គិសនីដោយពន្លឺព្រះអាទិត្យ ជាសហគ្រាសឈានមុខគេ នៅ ខេត្ត ហ្វូ ជាន ប្រទេសចិន បានស្វាគមន៍យ៉ាងកក់ក្តៅបំផុតនៃដំណើរបំពេញទស្សនកិច្ចរបស់គណៈប្រតិភូខេត្តស្ទឹងត្រែងដឹកនាំដោយ ឯកឧត្តម សរ សុពុត្រា អភិបាល នៃគណៈអភិបាលខេត្ត ដើម្បីទស្សនកិច្ចសិក្សា ទៅលើបច្ចេកវិទ្យាខ្ពស់នៃផ្ទាំងអគ្គិសនីប្រើពន្លឺព្រះអាទិត្យដែលមាន២ប្រភេទគឺប្រភេទលើដំបូលនិងប្រភេទព្យួជញ្ជាំង សហគ្រាសឈានមុខគេក្នុងឧស្សាហកម្មផលិតថាមពលអគ្គិសនីដោយពន្លឺព្រះអាទិត្យ ខេត្ត ហ្វូ ជានវាត្រូវបានផ្តល់កិត្តិយសជាសហគ្រាសឈានមុខគេក្នុងឧស្សាហកម្ម រដ្ឋាភិបាលចិន ដែលគួរឱ្យទុកចិត្ត អង្គភាពកម្រិតខ្ពស់ក្នុងការពេញចិត្តរបស់អ្នកប្រើប្រាស់ គោរពតាមកិច្ចសន្យា និងកិត្តិយសដែលត្រូវបានផ្តល់រង្វាន់ ម៉ាកយីហោ Xiamen…

ស្ទឹងត្រែង៖ ប្រជាជននៅសហគមន៍អេកូទេសចរណ៍សម្រស់កោះហាន បានទាញសក្ដានុពលធម្មជាតិនៅតាមដងទន្លេមេគង្គលើ រួមផ្សំជាមួយប្រពៃណីដូនតា ភាពប៉ិនប្រសប់ក្នុងការធ្វើម្ហូបអាហារ ព្រមទាំងចំណេះជំនាញបន្ថែមផងដែរ មកបម្រើឱ្យវិស័យអេកូទេសចរណ៍ បានប្រាក់ចំណូលបន្ថែមជួយបង្កើនជីវភាពសេដ្ឋកិច្ចស្រ្តី បង្កើនភាពអង់អាច ដល់ស្រ្តីនៅតាមជនបទ ដើម្បីដំណោះស្រាយភាពធន់និងបំរែបំរួលអាកាសធាតុ និងបង្កើនភាពអង្គអាចផ្នែកសេដ្ឋកិច្ចគ្រួសារ ដែលគិតគូរអំពីយេនឌ័រ។ ដោយឡែកក្រុមស្រ្តី សូឡា គឺជាចំណែកមួយយ៉ាងសំខាន់ នៅក្នុងជីវភាពប្រចាំថ្ងៃរបស់គ្រួសារ ដោយការនាំផ្ទាំងអគ្គីសនីប្រើព្រះអាទិត្យ សំរាប់កការប្រើប្រាស់នៅតាមផ្ទះ រឺតាមទីតាំងដែលបោះតង់កំសាននៅលើកោះ តាមដងទន្លេងមេគ្គជាដើម កាត់បន្ថយការប៉ះពាល់បរិស្ថាន កាត់បន្ថយចំណាយរាល់ថ្ងៃ។ នេះបើតាមការគូសបញ្ជាក់ពីរដ្ឋបាលឃុំកោះស្នែង។ លោកជំទាវ ស៊ី វណ្ណបុទម រដ្ឋលេខាធិការក្រសួងកិច្ចការនារី ដឹកនាំប្រតិភូ ក្នុងនោះមានមកពីប្រទេសចិន…

អភិបាលខេត្តកំពតបានបញ្ជាក់ថា គិតមកដល់ថ្ងៃនេះ ការត្រៀមធ្វើជាម្ចាស់ផ្ទះរៀបចំបុណ្យសមុទ្រលើកទី១១ របស់អនុគណៈកម្មការនីមួយៗរបស់ខេត្ត បានត្រៀមស្ទើររួចរាល់ហើយ ទាំងការងារសោភ័ណភាព អនាម័យ សន្តិសុខសណ្តាប់ធ្នាប់ជាដើម ប៉ុន្តែឯកឧត្តមបានក្រើនរំលឹកដល់អាជ្ញាធរ និងមន្ត្រីជំនាញពាក់ព័ន្ធដែលាមានតួនាទីភារកិច្ចត្រូវគិតគូរឱ្យគ្រប់ជ្រុងជ្រោយ កុំធ្វេសប្រហែសចំពោះរឿងកំប៉ិកកំប៉ុក ដែលវាអាចជះឥទ្ធិពលអាក្រក់ដល់ខេត្ត។ មានមតិបូកសរុបក្នុងកិច្ចប្រជុំត្រួតពិនិត្យវឌ្ឍនភាពការងារ របស់អនុគណៈកម្មការខេត្តក្នុងការរៀបចំបុណ្យសមុទ្រលើកទី១១ នៅថ្ងៃទី២៥ ខែវិច្ឆិកា ឆ្នាំ២០២៤ ឯកឧត្តម ម៉ៅ ធនិន អភិបាលខេត្តកំពត បានបញ្ជាក់ថា គិតមកដល់ពេលនេះ ក្រុមការងាររបស់អនុគណៈកម្មការនីមួយៗរបស់ខេត្ត បានខិតខំត្រៀមរៀបចំការងាររបស់ខ្លួនស្ទើររួចរាល់អស់ហើយ។ ឯកឧត្តមអភិបាលខេត្តបានបន្តថា ដោយស្មារតីនៃការរួមសាមគ្គីគ្នារបស់អាជ្ញាធរ មន្ត្រីជំនាញ កងកម្លាំង ប្រជាពលរដ្ឋ…

ស្ទឹងត្រែង៖នាព្រឹកថ្ងៃទី២៤ ខែវិច្ឆិកា ឆ្នាំ២០២៤ សហភាពសហព័ន្ធយុវជនកម្ពុជាខេត្តស្ទឹងត្រែងបើកកិច្ចប្រជុំពិភាក្សាការងារអនុវត្តកម្មវិធី «មនសិការពលរដ្ឋល្អ» កិច្ចប្រជុំនោះផងដែរដឹកនាំដោយលោក ម៉ែន គុង ប្រធានស.ស.យ.កខេត្ត លោក លោកស្រីអនុប្រធាន និងសមាជិក សមាជិការ ស.ស.យ.កខេត្តស្ទឹងត្រែងជាច្រើនរូប។ លោក ម៉ែន គុង បានមានប្រសាសន៍ថា៖ កម្មវិធី «មនសិការពលរដ្ឋល្អ» ត្រូវបានបង្កើតឡើងដោយអនុស្សារណៈយោគយល់គ្នារវាងក្រសួងអប់រំ យុវជន និង កីឡា និងសហភាពសហព័ន្ធយុវជនកម្ពុជា ក្នុងគោលបំណងបណ្តុះមនសិការ គំនិតច្នៃប្រឌិត ភាពជាអ្នកដឹកនាំ ភាពជាពលរដ្ឋល្អ និងផ្តល់ឱ្យយុវជនមានឱកាសចូលរួមក្នុងការងារស្ម័គ្រចិត្ត…

ស្ទឹងត្រែង ៖ ទីលានតេជោសន្តិភាពនិងវេទិការនាគជ័យ ត្រូវបានក្រុងពាលី ដើម្បីរៀបចំសាងសង់នៅព្រឹកថ្ងៃទី១៨ ខែតុលា ឆ្នាំ ២០២៤ នេះក្រោមអធិបតីភាព ឯកឧត្តម ឈាង ឡាក់ ប្រធានក្រុមប្រឹក្សាខេត្ត និងឯកឧត្តម សរ សុពុត្រា អភិបាលខេត្តស្ទឹងត្រែង ដោយមានការចូលរួមពីសំណាក់ អភិបាលរងខេត្ត ថ្នាក់ដឹកនាំ មន្ទីរអង្គភាពជុំវិញខេត្តជាច្រើននាក់ផងដែរ។ ទីលានតេជោសន្តិភាពនិងវេទិការនាគជ័យនឹងធ្វើឲ្យក្រុងស្ទឹងត្រែងកាន់តែមានសោភ័ណភាពឡើងមួយកម្រឹតថែមទៀត។ហើយរៀបចំទីលានតេជោសន្តិភាព​និងវេទិការនាគជ័យ​នេះឡើង​ក្នុងគោលបំណងសម្រាប់ប្រើប្រាស់ក្នុងការរៀបចំកម្មវិធីបុណ្យឬពិធីសាសនាឬផ្សេងៗ របស់ខេត្ត ជាពិសេសអាចអនុញ្ញាត​ឲ្យប្រជាពលរដ្ឋដើរកម្សាន្ត ឬហាត់ប្រាណនៅលើទីលាននេះផងដែរ នេះបើតាមការលើកឡើងរបស់ឯកឧត្តម សរ សុពុត្រា អភិបាលខេត្តស្ទឹងត្រែង ។…

ភ្នំពេញ៖ សម្តេចមហាបវរធិបតី ហ៊ុន​ ម៉ាណែត នាយករដ្ឋមន្ត្រីនៃកម្ពុជា បានអញ្ជើញចូលរួមប្រជុំរដ្ឋសភាពេញអង្គ នីតិកាលទី៧ ដើម្បីរៀបចំបោះឆ្នោតផ្តល់សេចក្តីទុកចិត្តលើការកែសម្រួលសមាសភាពរាជរដ្ឋាភិបាល នៃព្រះរាជាណាចក្រកម្ពុជា​ និងរបៀបវារ:សំខាន់ៗមួយចំនួនទៀត។ សម្តេចបវរធិបតី នាយករដ្ឋមន្ត្រី បានចូលអបអរសាទរដល់ ឯកឧត្ដមឧបនាយករដ្ឋមន្ត្រី​ ប្រាក់ ​សុខុន ដែលត្រូវបានរដ្ឋសភាបោះឆ្នោតផ្តល់សេចក្តីទុកចិត្ត ជា រដ្ឋមន្ត្រីក្រសួងការបរទេស ​និងកិច្ចសហប្រតិបត្តិការអន្តរជាតិ។ សូមបញ្ជាក់ថា សម័យប្រជុំរដ្ឋសភាលើកទី៣ នីតិកាលទី៧ នាព្រឹកថ្ងៃទី២០ ខែវិច្ឆិកានេះ បានធ្វើឡើងតាមរបៀបវារៈចំនួន​ ៤៖ ១) ការបោះឆ្នោតផ្តល់សេចក្តីទុកចិត្តលើការកែសម្រួល និងតែងតាំងបំពេញបន្ថែមសមាសភាពរាជរដ្ឋាភិបាល…

សៀមរាប៖ ព្រឹត្តិការណ៍ស្នាមញញឹមនៃកម្ពុជា សម្រាប់ឆ្នាំ២០២៤នេះ គឺជាលើកទី២ហើយ ដែលរៀបចំឡើងក្នុងគោលបំណងអបអរសាទរខួបទី២០ នៃការយាងឡើងគ្រងព្រះបរមរាជ្យសម្បត្តិរបស់អង្គព្រះករុណាជាអម្ចាស់ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា និង ដើម្បីជាការរួមគ្នាជំរុញការផ្សព្វផ្សាយអំពីសិល្បៈ វប្បធម៌ អរិយធម៌ដ៏ផូរផង់របស់ខ្មែរ និងជាការបង្ហាញសក្តានុពលទេសចរណ៍ដ៏សម្បូរបែបរបស់កម្ពុជាទៅកាន់ពិភពលោក។ ប្រជាពលរដ្ឋដែលមកពីតាមបណ្តាខេត្តនានាចូលរួមក្នុងព្រឹត្តិការណ៍នេះបានបង្ហាញក្ដីរីករាយ និងមានក្ដីរំភើប ដែលបានទស្សនាផ្ទាល់នូវព្រឹត្តិការណ៍ដ៏អស្ចារ្យនេះ ដែលបានបង្ហាញឱ្យឃើញពីសិល្បៈ វប្បធម៌ និងអរិយធម៌ខ្មែរយើង ដែលបន្សល់ទូកពីដូនតាខ្មែរយើង។ ពិសេសនោះ ការដង្ហែព្រះបាទជ័យវរ្ម័នក្នុងព្រឹត្តិការណ៍នេះ គឺបានរំលឹកឱ្យយើងឃើញនូវវីរភាពរបស់ព្រះអង្គ ជាការដាសតឿនដល់កូនខ្មែរជំនាន់ក្រោយឱ្យពង្រឹងចំណងសាមគ្គីភាព ជាតិនិយមនៃប្រជាជនខ្មែរ។ ពួកគាត់បានលើកឡើងបន្តថា តាមរយៈព្រឹត្តិការណ៍នេះ នឹងរួមគ្នាផ្សព្វផ្សាយអំពីសិល្បៈវប្បធម៌ដ៏ផូរផង់របស់ខ្មែរ និងបង្ហាញពីសក្តានុពលទេសចរណ៍របស់កម្ពុជាទៅកាន់ពិភពលោកផងដែរ។…