ឪពុកម្ដាយតារាចម្រៀង សុវត្ថិឌី ធារិកា បាត់បង់ជីវិតក្នុងគ្រោះថ្នាក់ក្រឡាប់រថយន្តផ្លូវទៅព្រះវិហារ

បណ្តាអ្នកសិល្បៈមានអារម្មណ៍ក្តុកក្តួល បន្ទាប់ពីទទួលដំណឹងឪពុកម្តាយរបស់តារាចម្រៀង សុវត្ថិឌី ធារិកា បានបាត់បង់ជីវិតព្រមៗគ្នា ក្នុងហេតុការណ៍គ្រោះថ្នាក់ចរាចរណ៍ក្រឡាប់រថយន្តធ្លាក់ចូលទឹកប្រឡាយនៅស្រុកឆែប ខេត្តព្រះវិហារ នៅរសៀលថ្ងែទី១៧ ខែឧសភា ឆ្នាំ២០២២។ នេះបើតាមការបញ្ជាក់របស់តារាចម្រៀង លោក អៀម វណ្ណី កាលពីប៉ុន្មាននាទីមុន។

ក្រោយទទួលដំណឹងសោកសៅនេះ អ្នកនាង ចន ច័ន្ទលក្ខិណា តាមរយៈទំព័រហ្វេសប៊ុកបាននិយាយទំាងហូរទឹកភ្នែកថា៖ “លោកអើយលោក បងស្លុតចិត្តណាស់ អូនកាអើយ ម៉ាក់ប៉ា អូនស្លូតណាស់ Sovathdy Thearyka បងសូមចូលរួមរំលែកទុក្ខដល់ប្អូនស្រី សុវត្តិឌី ធារីកាផង។ មុននេះគ្រួសារគាត់បានជួបគ្រោះថ្នាក់ចរាចរណ៍ក្រឡាប់រថយន្ត នៅខេត្តព្រះវិហារ ពេលនេះលោកប៉ា អ្នកម៉ាក់ របស់គាត់បានបាត់បង់ជីវិតហើយ មិនដឹងគ្នា វិលវល់យ៉ាងណាទេ រឹងមាំណាអូន។”។

សូមបញ្ជាក់ថា រថយន្តជនរងគ្រោះប្រភេទ Lexus RX 300 ផ្លាកលេខ ភ្នំពេញ BJ-1672 ដែលបានប្រឡាប់ចូលក្នុងទឹកប្រឡាយ ពេលនេះត្រូវបានស្រង់យកមកលើគោកហើយ។ ចំណែកតារាចម្រៀង សុវត្ថិឌី ធារិកា និងប្អូនប្រុសដែលបានរួមដំណើរនោះបានរួចផុតពីគ្រោះ.ថ្នាក់អកុសលនេះ៕